سلامتك يامصر ...أغنية في حب المحروسة من سعيد فرماوي

سلامتك يامصر وسلامة ترابك

سلامتك ياغاليه وسلامة شبابك

ياأول عباره ف تاريخ السنين

في إنجيل مقدس وقرآن مبين

فقال ادخلوها بسلام آمنين

ياأرض المحبه يافاتحالنا بابك



سلامتك يامصر وسلامة ترابك

تدوم لينا شمسك

وضحكك وهمسك

ويومك وأمسك

وضلة رحابك



سلامتك يامصر وسلامة ترابك



ياعاليه وغاليه وصابره وعنود

يانسمة أمل في ضمير الوجود

ياشامه وعلامة ف كل الخدود

عذابك عذابنا وعذابنا عذابك



سلامتك يامصر وسلامة ترابك